 |
སྙིང་ལ་ཟུག་པའི་རྒྱབ་གཟུགས་ཏེ།
མཛེས་པ་ལ་ནི་བརྗོད་མི་ནུས།
དྲག་ཆར་རླུང་འཚུབ་ཇི་ཙམ་བཙན་ཡང་།
བདག་ནི་སྲུང་མ་ལྟར།
ཁྱེད་རང་གར་འགྲོ་གང་འདུག་གི་རྒྱབ་གཟུགས་ན།
མིག་ཟུང་གཅེར་ཏེ་མཆེས།
རེ་བ་རི་ལྟར་མཐོ་བོ་མེད་ལ།
དམའ་བོའང་མིན་བའི་བར་མཚམས་སུ།
རྫུན་བཟོ་བྱས་པའི་སྙིང་གཏམ་མེད་ལ།
ལྐོག་གྱུར་བཤམ་པའི་ངན་ཇུས་ཀྱང་མེད།
ཅི་ཡང་མ་འདྲེས་པའི་སྐད་ཆ་ཉམས་དམའ་བོ་ཞིག
བརྗོད་འདོད་སེམས་ཀྱི་རྨ་ཁར་གྱུར་སོང་།
སྙིང་ལ་ཟུག་པའི་རྒྱབ་གཟུགས་དེར།
བལྟས་ཀྱིན་བལྟས་ཀྱིན།
སྐད་ཅིག་བསྡོད་པའི་རང་དབང་བྲལ་བས།
བདག་ལ་ཕྱིར་མིག་ཐེངས་གཅིག་ལྟོས་དང་།
དགའ་མ་ལགས།2014/07/20.
No comments:
Post a Comment